AX | Bizitza ezustez beteta dago!

Bizitza ezustez beteta dago! Une batez gelditu eta neure bizitzako esperientziarik gogor eta politena bizitzen ari naizela konturatu… eta bat-batean, are eta politagoa izan ahal dela konturatu. Eredu eta inspirazio dudan Reinhold Messner italiarra (Bozen-Hego Tirol, 1944) Behe Kanpalekura hurbildu baita ustekabean, geu agurtzeko eta munduko gailurra negu partean eta oxigeno artifizliak erabili gabe igotzeko neure ametsari babesa eman nahian. “Mendien jainkoa” aurrena izan zen Peter Habeler austraiarrarekin batera, Everest oxigeno barik igotzen, eta geroago, berau bakarrik igotzen ere aurrena izan zen. Egia esan, Messnerrek eman digun indarra azaldu ezina da; handienaren eskutik laguntza jasotzea itzela da. Mila esker, lagun, zeure urratsak geure bidea dira!!

IMG-20170306-WA0003

 

IMG-20170306-WA0002

 

Alex

;)

       

Berriak

 
KRONIKA | Jardunaldi gogorrak 7850 metrotaraino ekipatzen!
Egun eta gau gogorrak hor goian. Bukatutzat eman dugu lana nahiz eta 4. Kanpalekutik oso gertu gelditu, izan ere, eguraldi eskasa izan dugu eta taldekide bat ez zen oso ondo sentitzen. Hala ere, oso pozik gaude egindako lanarekin muturreko baldintza horietan 7850 metrotaraino ekipatzea lortu, eta Behe Kanpalekura denok elkarrekin itzuli garelako. Jardunaldi gogorrak izan
KRONIKA | Gailurra Pumorin (7161m)
Pumoriko gailurra egin dugu, “Mendiaren Alaba” bezala ezaguna duguna eta munduko mendirik politenetakoen artean izendatzen dutena askok. Everesteko 2. Kanpalekuraino ekipatu ostean, geldialdi bat egin dugu, mendi eder hau igotzeko eta geure indarrak neurtze aldera. Taldea Ali Sadpara, Nuri, Temba Bhote eta nik osatzen dugu eta estilo minimalista eta arinean egin dugu saiakera. Mila esker